BALADEWA

   BALADEWA

Baladewa, Aradara atawa Kakasrana lanceuk na Batara Kresna, putra Basudewa ti Dewaki, ngan nalika dijero kandungan Dewaki dina mangsa umur 9 bulan, pindah kanu kandungan Rohini, garwa na Basudewa anu sajen na... 6 urang lanceuk na tiwas di paehan ku Kamsa nalika karek gumelar lahir, kusabab numutkeun ramalan Raja Kamsadewa baris dipaehan ku anak na Dewaki anu ka 7 jeung nu ka 8 atawa disebut budak KEMBAR SALASIH (Bodas jeung Hideung) nyatana Baladewa jeung Kresna

Baladewa di istrenan jadi Raja Mandura nuluykeun bapa na, Basudewa
Anjeuna garwaan ka Dewi Erawati, putri cikal Prabu Salya ti Mandaraka
Baladewa miboga sikap gede ambek, gampang kasinggung jeung getas harupateun
Anugrah ti Batara Brahma senjata Nenggala kapimilik ku Baladewa..

Nalika Kresna maca Skenario Bharatayuda numutkeun ramalan dinu eta perang, Baladewa bakal mihak ka Kurawa tur bakal gugur ku Antareja, diciduhan tapak suku na..
Kresna nu nukeurkeun eta catetan Skenario perang jeung Kembang Cangkok Wijaya Kusuma (Pusaka nu bisa ngahirupkeun deui nu maot) ahir na nyieun siasat..

Sangkan Baladewa teu ulubiung dinu Bharatayuda, Baladewa dititah tatapa melak siki asem dinu dampal leungeun di Curug Sewu (Grojogan Sewu) di baturan ku soan na Purwaganda, anak na Kresna, sapoe samemeh Perang..

Antareja nu euweuh lawan na alatan kasaktian na di titah jadi Tawur/Tumbal ku Kresna ku cara nyiduhan tapak suku na sorangan

Baladewa anu keur tatapa ka hudangkeun ku Dewi Banowati nu keur di udag2 ku Aswatama jeung Partomarmo, hingga Baladewa ngamuk tur ngagedur nafsu ngajugjug tegal Kurusetra anu keur mintonkeun Adu jogol perang gada Bima jeung Duryudana (Muridna) dina poe pamungkas Baratayuda..
Sanggeusna di olo ku Kresna, Baladewa jadi wasit perang gada nu di meunangkeun ku Bima..

Nalika jaman Raja Parikesit, Baladewa kungsi jadi Penasehat raja, turta Baladewa moksa bareng jeung musnah na Bangsa Yadawa (Wresni).



 Sumber : http://www.facebook.com/photo.php?fbid=439519352773868&set=a.268729466519525.64833.266464696746002&type=3&theater

PANDU DEWANATA

                                                    PANDU DEWANATA

 Raden Pandu Dewanata, Putra panengah Abiyasa ti Ambalika, Pandu ti lahir kulit na Bule sa beresih hate na, sabab waktu Ambalika rarabi ka Abiyasa, ngarasa reuwas jeung sawan ningali wujud Abiyasa nu caludih, brewokan tur bau, maklum karek mulang tapabrata
Beda jeung Lanceukna Dastarasta nu lolong, sabab indung na (Ambika) meureumkeun panon na waktu ningali Abiyasa, Oge Adi na Widura nu di lahirkeun Cingked/pincang sabab Datri (Selir) indung na, Lumpat waktu ningali Abiyasa alatan sieun
Pandu jadi ahliwaris Astina sabab 2 dulur na cacad.
Pandu di didik ku BISMA hingga jadi satria pinilih tanding, hiji waktu Pandu beunang supata nalika keur moro sato, manehna kungsi manah Kidang/Kijang nu keur lakian (Kawin) nepi ka paeh, sihoreng eta Kidang teh jelmaan hiji Resi anu dikutuk alatan kasalahanna, ahirna eta Resi nyupata Pandu samemeh maot yen Pandu bakal paeh mun Sapatemon (Senggama)

Sadar ku ka ayaan dulur2na jeung nanggung Supata, Pandu ngahaja ngilu sayembara pikeun neangan pipamajikaneun keur dulur2 na, nepi ka ngajugjug ka Mandura nu keur nyayembarakeun Prita, takdir nu tumiba satepi na ka Mandura sayembara geus di meunangkeun ku Arasoma (Salya) ningali ka teguhan Pandu di tambah ku ka sombongan na, Arasoma nangtang Pandu pikeun mecak kasaktian, seug mun Arasoma eleh Prita hasil sayembara rek dibikeun malah di tambahan ku adi na, Madrim
Kaberesihan hate jeung niat Pandu bisa ngungkulan Arasoma, Ajian Candrabirawa teu mempan ngalawan Pandu, ahirna Arasoma takluk tur ta sadar ku ka ujuban jeung ka sombongan na terus mulang ka Mandaraka (Prita jeung Madrim di boyong ka Astina)
Di satengahing perjalanan mulang, Pandu amprok jeung anak2 Raja Gandara ti Plasajendar, Bangbang Suman (Sakuni) nu rek nganteur lanceuk na Gandari ka Mandura, hayang ningali Sayembara tur ningali ka geulisan Prita (Kunti)
Ningali kasep na Pandu, Gandari ka tarik ati ka ancikan rasa bogoh, hingga nitah gelut ka adi na, Suman ngaborahkeun maneh na keur hadiah, Suman ahir na eleh tur Gandari ka boyong ka Astina
Satepi na ka Astina 3 puteri boyongan di pasrahkeun ka Bisma jeung Abiyasa,
2 resi nu jembar panalar tur Adil, ngumpulkeun Pandu, Dastarasta jeung Widura pikeun ngawinkeun 3 puteri boyongan ka pangeran2 Astina
Widura si bungsu nolak ku sabab dirina can hayang rarabi, ku Luhung na tatakrama Pandu, Dastarasta lanceuk na di titah milih ti heula sabab nu paling kolot keun bae Pandu mah sapamilihan
Takdir teu bisa di pungkir, Gandari nu pang bogohna ka Pandu, ka pilih ku Dastarasta nu lolong dumeh Gandari rada capetang, ti harita hate Gandari ancur jeung keuheul nu satuluyna SUMPAH rek nutup panon na ku layon bodas marengan salaki hirup di alam poek (Padahal Gandari embung ningali kabagjaan Kunti jeung Madrim) oge hayang loba turunan (100 anak)

Pandu sadar ku kutukan dina diri na tur balaka ka Kunti jeung Madrim, ahirna Kunti mapatkeun Ajian Kasakten ngondang 3 Dewa :
Anugrah Batara Yama ngandung Yudistira
Anugrah Batara Bayu ngandung Bima (Bima Mungkus)
Anugrah Batara Indra ngandung Arjuna

Giliran Dewi Madrim nu dibere kasempetan ku Kunti, Madrim ngondang Batara Aswin di Anugrahan putera Kembar, Nakula jeung Sadewa

Nepi ka hiji mangsa, Pandu nu keur olah tapa ka goda ku ka geulisan Dewi Madrim nu ka karak beres Mandi, Pandu naek birahi poho kanu kutukan, Madrim nolak ngan Pandu geus ka gulung ku nafsu nu ahirna Kutukan tumiba, Pandu maot nalika keur maksa Madrim sapatemon
Dewi Madrim nu ngarasa dosa ahirna milih Daksina (Belapati) terjun kanu seuneu waktu layon Pandu di duruk, Madrim sadar yen maneh na moal bisa adil jeung sabar ngurus Pandawa nu masih bilatung dulang teu jiga Dewi Kunti Nalibrata, Kanyaah Dewi Kunti estuning rata ka 5 anak2 Pandu nyata na PANDAWA

Sapaninggal Pandu, takhta Karajaan Astina di titipkeun ka Dastarasta, lanceukna saacan Yudistira dewasa
Ku ka licikan Sakuni nu jadi adi beuteung na jeung rasa ka nyaah na ka Duryudana, Karajaan Astina dipertahankeun,nepi ka kasieun BISMA jadi kanyataan...

PAREBUT WARISAN nu nimbulkeun Perang Dulur
BHARATAYUDA

Sumber : http://www.facebook.com/photo.php?fbid=423734874352316&set=a.268729466519525.64833.266464696746002&type=3&theater