★Bambang Yudha Angkasa★

Bagean 1
Cover: Prabu Yudistira

Méndra Méndra Winulan Sastra Tinuara Panjangé Ngawuwuh Sinénggihing Kanda Purwantara,,,
Purwa hartose pun wiwitan,,,
Tara hartosé pun kératon,,,
Kraton ing kanggo jéujer cinarita botén wéntén malih kajabi ti salebeting Nagara Wirata, nagara sampun kaceluk kakandang ngewu kaloka kajampaningpria kakoncara mancanagara, Nagara subur makmur gemah ripah loh jinawi aman sentosa lan kerta laharja...
Sepi paling tonggong nu di gawe simpe hate, kaum buruh hanteu ripuh karyawan sami sarenang para tani sugih mukti, ingon-ingon kebo sapi domba hayam mulang ka kandang sewang-sewang...
Watek wantos ingkang nalendra dudutelu duduloro, anging sawiji-wijina ajejeluk Prabu Matsuapati raja anu parantos ka sipuh ku pangaweruh, binekas tur wijaksana mawe raksukkan karaja'an di taretes ku inten rinukmi muburia kunang-kunang ,,,
Wontening binaturahing dedampar denta piting soso sari trenggana waretna, limit babut prangwi ginanda jimat kastori lan sinebaran sari-sari...
Remagan dua putra kakasih Raden Arya Setha Satria Cemara tunggal kalayan Raden Urat Sangka...
Sami tungkul Hamerud jrah ajrih ningali pamor sangNalendra, Watek wantos sang nalendra duduwong samanea, Manusa terasing madu trahing kusumah titising andana wirih wireh dewa ka manusa'an, saciduhing metu sakecaping nyata weruh sadrung winara, tutas didikan rohani lan jasmani, Para ratu mikayungyun, para menak mikaserab, kolot ngeso budak ngera deungeun- deungeun mika deudeuh...
Tutas tina ka timbulan ka gagahan ka saktian lan kamandra guna'an...
Anu di pikasepuh ku sadayana raja-raja pada ajrih ku pinuhna Wibawa sareng Komara Sang Nalendra...

Prabu Matsuapati Nyaur keun Rupi-rupi papatah sareng patuah ngeuna'an hirup di alam dunya ka Raden Arya Setha sareng Raden Urat Sangka...
Lajeng Prabu Matsuapati Masihan tugas ka dua putrana, nyaeta tugas pikeun Ngintun sembako, anggean, obat-obatan sareng rupi-rupi tuangeun dugi ka 3 Kareta kanggo Pandawa anu sasatna nuju nampi hukuman di leuweng Kamiaka, hukuman pikeun nebus nagara Amarta anu di borah keun maen Dadu, Di hukum di leuweng salila 12 taun lilana, hukuman anu ka 13 taunna teh kedah Nyamur (Nyamur nyaeta Nyamar) sareng Syarat hukuman teh, Putra-putra Pandawa Teu kenging Ngintun sembako, anggean, obat-obatan sareng rupi-rupi tuangeun, teu kenging ngalongok, teu kenging ngaganggu Ka nagara Astina, teu kenging ngarogahala Para Kurawa sareng sajabina upamina syarat eta di langgar Pandawa Kedah ti awal deui ngalakonan eta hukuman teh...
Ari nagara sejen mah tiasa besuk sareng ngintun sembako,
Tah pandawa ayeuna nembe 7 taun cicing di leuweng Kamiaka, satiap aya anu besuk sareng ngintun sembako, anggean, obat-obatan sareng rupi-rupi tuangeun teh di Begal ku Begal-begal janten teu dugi ka Pandawa, sangkan Pandawa paeh kalaparan, ari eta begal- begal teh bayaran ti Nagara Astina politik Sangkuni...

Lajeng Halumampah Raden Arya Setha Sareng Raden Urat Sangka ngajug-jug leuweng Kamiaka nanging di piwarang nyampeur keluarga Semar di perbatesan anu sasatna nuju ngecrek ngeblur melak tandur, upami panen sok rerencepan di kintun keun ka Pandawa...

Banglus lampah hepun ieu Arya setha sareng Urat Sangka ngiring keun Waladia Balad tamtama nyandak 3 kareta kanggo besuk ka Pandawa anu aya di leuweng Kamiaka anu nuju nampi Hukuman ti Kurawa.
Kaleresan Astrajingga Dawala nuju ngecrek ngeblur Melak tandur, di sampeur ku Arya Setha atuh bingah taya papadana Astrajingga Dawala, Margi Semar dina leresan dieu nuju ngajagi Raden Gatotkaca anu Tatapa ku kituna Astrajingga Dawala ngiring Arya Setha Sareng Urat sangka pikeun pituduh jalan ngajug-jug ka alas Kamiaka.
Para Kurawa ngahukuman Pandawa lain ngan ukur sakitu tapi neangan rupa-rupa cara pikeun Maehan pandawa ku jalan anu lemes, Sakur anu besuk teu aya anu dugi margi parantos miwarang begal-begal kitu ka aya'anna...
Malah leuweng Kamiaka teh parantos di tingker di pageur betis, satiap 10 meter aya post-post pikeun ngajaga bilih aya anu besuk ka tengah-tengah leuweng sok di begal di tempat.
Merbayaksa dina cadas anu ngampar ieu begal-begal di saksian ku saurang-urang kurawa tiap-tiap postna,nyaeta Citrak sacitrak, dumaruk sapartomarmo birupaksa daruk citrayuda ,citrasik, citrasoma, boma wikata, wikata jaya, jaya wikata sareng sajabina. Di tingker ku eta kurawa bari aya bantuan ti nagara Setragandamayi atuh ieu raja Begal Pangawakan Jangkung geude simbar dada bewos simros taya papadana nyaur waladia balad pikeun ngatur ieu tempat supaya ulah kabongohan ku nu besuk ka alas Kamiaka, Halumampah Tindak geundinga nipun Bendrong Aladria...
Raja Buta: Hey dulur-dulur,,, kumpul-kumpul...
Buta: alah aink ngeunah euy, ieu proyek teh, di gajih ti astina ongkoh jeung meunang kadaharan-kadaharan hasil ngabegal...
Buta 2: bagja nya, ayeuna bisa kabeuli rak piring...
buta: bejana maneh sok ngadongeng?
Buta 2: heueh,,,
Buta: sok atuh ngadongeng...
Buta 2: Kacarita keun si udin teh boga kuda jalu, tuluy si udin jalan-jalan jeung eta kuda bari di tumpakan kudana, ari tengah2 jalan eta kuda ngadadak euren ngagoler teuing ku naon maksudna, padahal teu modol atawa dahar, geus di pecut mah bujurna teh sangkan hudang maju deui,,, otomatis nu ngaliwat teh kahalangan ku eta kuda.
Tuluy aya awewe randa turun tina mobil sabab kesel geus lila nungguan, prak ngomng "mang ku abdi weh cenah hudang kuda teh ambeh lumpat"...
mangga,,, mangga ceuk udin,,,
Eta awewe ngusapan kuda, kuda jol nangtung berr lumpat tarik pisan,,,
Udin nepi gogodeg, ari di pecutan teu lumpat ari di usapan ku awewe lumpat,,, udin nanya "neng kumaha resepna sangkan eta kuda lumpat tarik kitu?"
awewe: gampil mang, kantun usapan wae pingpingna, tiup beuheungna anu terakhir Manuk eta kuda di pencet 7 kali...
Udin: ahh upami kitu mah neng sakantenan weh manuk aa usapan pencet supaya aa tiasa lumpat merik itu kuda,hehe,,, ##@##@@..
buta: ha ha ha...
Buta Budeg: jihad aink,, sabab pandawa mah beda aliran jeung aink,,, Jihad aink,,,
Buta: maneh ngomng jeung saha?
Buta Budeg: haha,, mun geus panen mah di bere...
Buta: hoor,,,
Buta Budeg: Aink mah unggal meulu tv euweh sora'an, meuli radio sarua euweh sora'an,, naha jelema geus teu nyara'ah heun ka aink...
Buta: sia nu budeg,,,
Raja buta: enggeus2,,, wayahna sarerea euy tingkat keun kawas pada'an kapermana tinggalan bisi aya anu nyalusup ulah lengah urg sarerea,,, urang mager betis weh jarak 10 meter sa urg, pokokna mah sakur anu besuk mawa gembolan ulah asa2 begal, make kedok begal, ngeunah pan gajih ongkoh ngabegal ongkoh,
Buta: nya gusti...
Raja begal: Sok laksana keun...
Buta: siap gusti pamit,,,
Buta 2: pamit...
Buta budeg: hoor jol arindit teu ngomng2 acan,,, ongkoh kumpul tapi indit deui...
Raja begal: ahh aink mah kaduhung mamawa si budeg... (bari ngaleos)

Ka aya'an alas kamiaka di tingker ku begal-begal atuh Arya Setha sareng Urat sangka ka iring waladia balad tamtama Ti Nagara Wirata nuju ngareureuh keun kacape...
Arya setha: cepot,,,
Cepot; abdi gan,,,
Arya setha: dawala...
Dawala: abdi,,,
Arya setha: Urang reureh heula...
Cepot: ahh alhamdullilah jang,,, urang saeutik deui nepi euy...

Bersambung