★Babad Alas Amer★ Part 1

    

Pamungkas Carita (Part 1)

Banglus lampah hepun bima anu teras-terasan ngababad nyaeta naratas jalan ngajugjugka leuweung amer alas utarungu parantos ngemplong pijalaneun...
Beja pa beja beja tina Sajeungkal jadi sadeupa margi ieu leuweng amer teh ka tinggal ku jalma mah hiji leuweng anu sanget padahal ieu teh Nagara kitu ka aya'anna ieu leuweng...

Ari anu ngawasa di ieu leuweng teh nyaeta hiji raja anu Kakasihna Kala Yudistira, Seuer baraya-barayana di masing-masing tempat, kengeng laporan di rakyat-rakyatna Siluman yen aya anu ngarusak Benteng-benteng Nagara nyaeta anu di anggap nateh Hayam Turundul, Atuh kukituna dina waktos ieu sasat saderek-saderekna Kala yudistira di Antarana Sapu Jagat Patih Nagara Tambak Genggeng tamabak Baka anu dina waktos ieu sasatna parantos nampi pancen ti Nalendra kalayan kagungan Calongcong Baja anu eta Calongcong teh di talianna tina bahan anu luar biasa nu teu aya di ieu alam kitu ka aya'anna Calongcong Baja anu biasa di pake Ngarungkup Jelema.

Ari Riwayat Bima waktos di lahir keun nyaeta heunteu ngagebrol orok tapi nyaeta masih keneh di jero ka Pongpong, Lima taun ayana bima di keueum dina ka pongpong bisa soteh ka luar kagadil ku hiji gajah anu ka sebat gajah Sena, Tah ieu ka pongpongna teh ka pungkur ka banting keun ku gajah Ragrag di ieu leuweng amer Kalayan di pake bahan ku ieu bangsa Siluman Silemin nyieun Calongcong di pake nalian Beusi Baja jeung sajabana kitu ka aya'anna.
Ieu Patih Tambak Genggeng kalayan Tambak Baka halumampah anu nampi pancen ngarungkup jelema anu ngarusak Benteng-benteng Nagara...
Patih tambak genggem kalayan patih daerah munggul pawenang nyaeta tambak baka anu dina waktos ayeuna naliti palebah jalma eta nu ngarusak ka aya'an nagara Amer anu kiwari nuju rieuweh masyarakat ngalalacir ngararungsi ku ayana cing darok-dokna tatangkalan...

Tambak gemgem: Ki adi kadieu-kadieu...
Tambak baka: ehmmm jelema meuni ngararuksak nya,,,
Tambak gemgem: Tah kitu, akang kungsi ngintip obrolan jalma yen ieu dunya teh ruksak ku polah-polahna jalma numut keun dina kitab jalma, geuningan nyata eta katerangan teh,,,
Tambak baka: nunawi kang,,,
Tambak gemgem: Kumaha geus di bagi-bagi tugas keur naliti eta mangkeluk?
Tambak baka: parantos, Senopati Mintarsah mah ka palih wetan ayeuna urang ka palih kulon...
Tambak gemgem: Heueh hayu,,, urang teangan buru-buru eta mangkeluk bisi ieu nagara ka buru ruksak..
Tambak baka: mangga...

Ka Carios Bima anu keur soson-soson nyaeta naratas jalan ngajugjug ka alas amer nyaeta parantos dugi ka perbatesan margi leuweng Utarungu parantos ka langkung, kalayan Sapu jagat anu dina danget ieu nampi laporan yen ka aya'an eta musuh si horeng aya di juru palih kaler anu dina danget ayeuna nuju cing darok-dok tatangkalan Surili, Monyet Oa, lutung lalumpatan ku ayana darokdokna tatangkalan...
"Belah dieu,,, gusti,,, belah dieu,,,"
Cing carorowokna Anu milarian.
Sapu jagat pimpinan daerah munggul pawenang Eces jentre mertela ngembang boled yen memang aya jalma anu keur ngaruksak tutuwuhan...

Sapu jagat: Kurang ajar siah,,, dasar jalma anu ngaruksak ieu leuweng jeung nagara kaula, rasa keun ieu Calong cong anu beuratna rebuan kati di jerona aya bahan anu ka seuseup matak leuleus lir kapuk ka ibunan lir kapas ka hujanan,,, weetttt... dahhhhhh... (calong cong di alung keun)

Bima anu nuju ngaleuyeukan taneuh nyaeta naratas jalan, Pasti teu bisa di pungkir kadar teu bisa di singlar papasten anu tumiba, Calongcong baja di alung keun ti awang-awang kalayan di lelempeng atuh ieu bima ka rungkup ku ieu Calongcong...

Bima: ehmmmm,, naon ieu meuni jadi poek,,, awak aing leu jadi leuleus,,, ndet,, tulung ndet,,, tulung ndet,,,

Ka aya'an bima bari leslesan teu emut di bumi alam sakapeung eling, ku ngambeuna racun kitu kaaya'anna basib bima gegerungan...
" ndettt,, tulung ndet,,, tulung ndet,,, "

Surak hambal-hambalanna para pasukan sareng sapu jagat anu margi ngalung keun calongcong tepat kana sasaran..
"Hoyah ,, Hoayah... siah modar,,, modar,,, kurang ajar"

Tunda lampah eta Urang teundeun di handeuleum sieum, urang tunda di hanjuang siang mangsa datang urang sampeur deui...
Ka Carios anu milarian nyaeta Arjuna kiwari ka leresan mendak tempat anu laliuh nya maksad ngareureuh keun ka cape...
Arjuna: kakang semar,, yap urang ngareureuh keun ka cape kang,,,
Semar: mangga,,, mangga,,, naha ka mana juragan bima meuni matak pimelangeun... jang Astrajingga dawala urang reureuh heula jang,,
Cepot: heueh meuni pimelangeun pisan eta budak meuni bedegong, Indungna mah meusmeus ceurik da melang kanu jadi anak bisi ku maha onam...
Denawa: Weeerrrrr....
Cepot: ahh ceuk aink oge naon di leuweng kieu mah sanget,,,
Dawala: aya naon a?
Cepot: sok geura denge keun ku maneh nyong...
Denawa: Weeerrrrr....
Dawala: Sora kolecer,,,
Arjuna: aya naon kang?
Semar: duka sen itu barudak,,,
Arjuna: aya naon pot,,,
Cepot: aya buta gan jeung balad-baladna..
Arjuna: ehm cing waspada pot,,,
semar: uluh ujang, kade jang,,,

Datang Senopati Mintarsah kairing balad-baladna,,,

Denawa: itu gusti jelema anu ngararuksak teh.
Mintarsah: ulah kaget manusa,,,
Ahhhh,,, aya jelema kasep-kasep teuing...
Cepot: pasti ka dewek,,,
Dawala: nya kakuring atuh,,,
Semar: ka dunungan...
Mintarsah: naha jelema dedeg sampe rupa hade patut teu nganjuk rupa teu menta tapi malah ngukut marga satwa...
Cepot: tah eta ka maneh nyong,,,
Dawala: heueh weh lah,,,
Cepot: ehm ngambek, nyong tu awewe rupa namah breuwes tapi awakna mah mulus...
Mintarsah; Saha satria? Bangsa naon salira,,
Arjuna: kaula bangsa manusa...
Denawa; tah ieu gusti, jelema nu ngaruksak nagara urang teh si tara solat (karek datang)...
Mintarsah: ka bina-bina manglebar keun,, naha tina benci jadi asih tina ngewa jadi cinta, nepi ka kawas seuneu ka guyur cai, meunang laporan yen aya anu ngaruksak nagara urang , kaula di hareup sang nalendra satadina geus janji kalayan ngancam ka jalma anu ngaruksak nagara tapi naha kaula teh dina waktu ayeuna asa ka pukul ku bayu, kacida bari jeung sugema kaula boga salaki kanu kieu,,,
Denawa: ahh da si eta mah teu kaop ningali lalaki..
Mintarsah: Saha satria kakasihna?
Arjuna: kaula arjuna,,,
Mintarsah: ahhh,,, tina rupa nepi ka ngaran meuni pantes, jigana bakal amis nepi ka ramo-ramo... sabaraha nohp na?
di mana anjeun arjuna,,,
Arjuna: Kaula ti nagara Astina...
Mintarsah: Arjuna,,, anjeun daek heunteu mun jadi salaki kaula? Sasatna kaula teh ka tarik ka taji ka pati-pati ka salira...
Arjuna: Hampura Mintarsah,,, moal bisa sabab urang teh beda bangsa.
Mintarsah: Keun bae beda bangsa oge jeung ku kaula di jamin harta ka kaya'an emas picis ku maricis inten jumanten...
Arjuna: Kaula nepi ka danget ieu can gaduh maksud gaduh bojo, da kaula maksud asup ka ieu leuweng amer teh keur neangan anu jadi lanceuk nu ngababad ieu leuweng... jeung kaula teh masih panjang keneh lalakon...
Mintarsah: Sok bilih hoyong tuangeun-tuangeun anu nikmat sa dunya ku kaula bakal di sayogikeun...
Arjuna: Tong maksa mintarsah, Mun kaula ngomong kasar anjeun bakal ka singgung... jeung kaula can gaduh maksad bojo'an...
Mintarsah: teu nanaon nu penting daek heunteu,,, da ngaranna oge hate, hate mah da puguh hate di pangpaler keun oge hese...
Arjuna: Teu sudi abring-abringan teu suka aprak-aprakan jeung teu pantes urang mah beda bangsa,,,
Mintarsah: tobaattt kaula di tampik,,, maneh nyingkah heula ka dituh... (bari nonggongan arjuna)
Denawa: mangga kulan gusti,, ahhh aing maol tulus ngahakan jelema, komo nu iti mah moal teu amis geua beureum kitu...
Cepot: emangna aink tomat goblog,,, make jeung amis...
Denawa: tah mun nu hideung mah geus buruk teuing,,, kaula pamit kulan gusti...
Semar: kade agan,, kade,,,
Arjuna: Hayu kang urang indit, pot wayahna pang mancing keun supaya ambek,,,
(Bari jeung indit)
Dawala: ari aka daek kanu kitu?
Cepot: ah nu penting mah dewek mah aya asal aya tapak suweng,,,
Dawala: emang nafsu kanu beungeut breuwes model kitu?
Cepot: tah beungeutna mah urang turuban make koran anu gambar artis...
Dawala: heueh pek kadinyah...
Mintarsah: engkang piraku tega ka kaula, engkang arjuna...
(Cepot ngomong gaya arjuna)
Cepot: Mintarsah ayeuna mah jelema anu maturan kaula geus arindit,,, da akang oge normal, lain akang nampik tapi akang can gaduh pangalaman anu jero...
(Baru nyabak punduk mintarsah)
Mintarsah: ahh eta panangan meuni cubuk cabak kitu,,,
Cepot: akang oge sarua weh cinta ka salira, salira boga kahayang da kontak kana hate akang kitu mintarsih...
Mintarsah: Mintarsah...
Cepot: aeh enya sah,
Mintarsah: bener salira cinta ka kaula?
Cepot: bener...
Mintarsah: atuh naha salira lain titatadi (barang ngareret ka tukang)
ahhh bangsat..! Kurang ajar siah...
Cepot: ihhh,,, (langsung kabur)... Bersambung ...


Sumber :  http://www.facebook.com/photo.php?fbid=414031478655989&set=a.268729466519525.64833.266464696746002&type=3&theater