Prabu Nalaka Sura Boma Pejah.

Bagean 1
Cover: Anterja

Sang nalendra Prabu Batara Kresna remagan Setiaki kawuwuh patih udawa sami tungkul ninggal ajrih sang nalendra Watek Wantos Prabu Batara Kresna duduwong samanea Mangnusa trusing madu trahing kususmah titising andanawirih trahing dewa kamanusaan.
Tugas Maha Tunggal pikeun Ngarengse keun Pacogreggan Di alam Dunya.

Ngandika kawedalinglisan mekta pengandika nipun...
Batara Kresna: Eladala... Yayi... Oge kakang Patih Udawa yap kapayun calikna...
Setiaki: Kaula rayi setiaki nampi kana pembage kalayan unjuk sumangga Ngahatur keun sembah sungkem ka hunjuk Raka Batara...
Batara Kresna: yayi pujastuti sampean akang trima dening tangan loro kiwa tengen pulungi ati pun dehing mastaka...
Setiaki: hatur nuhun kalihna perkawis hapunten tina kalepatan ageung sinareng alit.
Batara Kresna: atuh urang saling maklum rayi...
Setiaki: Dawuh...
Batara Kresna: Bujeng hingga akang jeung dulur, dalah jeung deungeun-deungeun oge geus jadi kawajiban manusa ari soal saling maklum mah, eta teh jadi jimat anu paling ampuh di alam dunya saling hampura.
Setiaki: Katilu perkawis tansah di ajeng-ajeng aya pikersaeun naon purwa pan jenengan raka batara kersa nimbalan?
Batara Kresna: memang aya hal-hal anu baris di padung deng keum dina waktu ayeuna..
Kang kakang Udawa.
Patih Udawa: Ngahatur keun sembah sungkem ka hiunjuk panjenengan Gusti prabu.
Batara Kresna: kakang pujastuti sampean di tarima kudua leungeun kenca jeung katuhu simpen pulungi ati pun dehing mastaka...
Patih Udawa: Kalayan pun adi wilujeng sumping...
Setiaki: nuhun nuhun kang...
Patih Udawa: tansah di ajeung-ajeung aya pikersaeun naon Gusti prabu...
Batara Kresna: oh kieu, Saperkawis ngahatur keun rebu nuhun laksa ketika bingahan kang rayi oge kakang Udawa parantos nyaosan pangangkir kaula, kaduana ti eta kaula salaku ais pangampih di ieu nagara ngahatur keun pangajen anu saluhur-luhurna ka setiaki sareng kakang Udawa teu kantun ka sajumlah aplatur nagara Malih panghandapna ka tokoh masyarakat parantos ngarojong kamajengan di ieu nagara...
Setiaki: nampi nuhun.
Patih udawa: nuhun nuhun...
Batara Kresna: tina dasar rumasa hirup teu cukup ku sorangan bisana nagara subur makmur gemah ripah loh jinawi aman kerta laharja teh ieu teh hasil gawe nu rancage , ti mimiti ti sajumlah aplatur nagara kaula miwah tokoh masyarakat tangtuna oge ieu teh pada-pada nyingkil keun baju leungeun kenca jeung katuhu pikeun ngaronjatna nagara jeung bangsa.
Patih Udawa: Dawuh leres...
Batara Kresna: ku kituna kaula umajak ka sakur nu ngaku warga nagara na langkung di tingkat keun deui dina sagala rupa hal widang kagiatan.
Setiaki: di esto keun di esto keun...
Patih Udawa: di esto keun pangersa.
Batara kresna: tah pamungkasna nyaeta ieu teh ngeunaan pribadi kaula dina ngajalan keun kawajiban nagara boh kawajiban salaku batara bisana tentrem di gawe saumpama euweh gangguan naon-naon kana hate da ari hate mah da puguh hate di pangpaler keun oge hese
Setiaki: leres leres...
Batara Kresna: hampir sajumlah manusa anu hirup di alam dunya lamun ka ganggu hatena kana pagaweannana teh sok rada ngurangan malah kaula ngarasa boga dosa nyaeta dina ngawakap keun diri ka nagri sebaraga ka nagara teh aya ka kurangan anu luar biasa.
Patih Udawa: leres leres
Batara Kresna: nyaeta ku ayana ka ganggu hate, ka sebit ati ku kajadian pribadi kaula.
Setiaki: leres tina perkawi
Batara Kresna: tina perkara kajadian nu geus ka alaman dina mangsa ti Prabu nalaka sura ti nagara Traju Trisna anu eta raja teh meredih sabab Purwaganda anak kaula.
Setiaki: leres
Batara Kresna: sanajan bari budakna bedegong, Rada basangkal, memang mol nyalah keun anak ieu teh suwatara kurang merhati keun kana jadi anak da puguh rayi oge apal yen akang teh sarua jelema, ngaran-ngaran jelema tungkul tempat ka luluputan tanggah tempat ka lelepatan samenit ganti sajam robah janji sore rajeun tara ka pake isuk eta jelema ,sabab jelema teu cicing dina hiji martabat sok ka salahan sok ka benerean.
Setiaki: leres leres...
Batara Kresna: aya pohona ,aya balangahna heu...
Patih udawa: timbalan.
Batara Kresna: Tina datangna eta raja ti Traju trisna meredih supaya Samba anak kaula nyaeta daekeun ka eta putri atuhna si Samba nepi ka nolak Atah-atah sabab ningali pimitohaeunna teh buta jangkung geude simbar dada pikasieuneun budak.
Setiakai: leres leres...
Batara Kresna: ceuk pangningalina meureun kaula ngabayang keun bapakna geus kitu komo meureun anakna padahal mah yakin eta Putri Geulis kawanti wanti endah ka bina-bina lucu taya nu nuruban saperti widadari lumungsur ti kahiangan.
Patih Udawa: dawuh...
Batara kresna: Di olo rebuan pangolo pari basana tetep Samba Nolak, Nampik sapajodogan Hareupeun bapakna nepi ka nyebut keun teu sudi abrig-abrigan atuh beungeut akang teh luar biasa erana asa di popokan kokotor...
Setiaki: kantenan pasti
Batara Kresna: Bingung... Kumaha cara ngubaran eta pi besaneun supaya ulah ka ganggu hatena sangkan ka beuli hatena nya akang ningali dina gambar lopian nyaeta neangan jalan kaluar supaya eta besan ulah ka singgung, Inget akang teh boga anak ti nyi pertewi ngaranna teh Sutija.
Setiaki: Leres...
Batara Kresna: harita keneh ku akang di calukan ti lapisan bumi ka tujuh si Sutija di bawa ku indungna, Cek keng ki besan sanajan harita can jadi besan da puguh kaula teh ngubaran hatena, Kumaha putri teh teu ka Si Samba oge nya aya gentosna ka Anak kaula keneh ti nyi pertewi Si Sutija, barang ningali Sutija geus satadina ku kaula di talek kudu daek nya budak teh daekeun atuh pibesaneun teh luar biasa bungahna ka tingali Pameunteuna Marahmay, Da puguh aya gantina teu eleh kasep Sutija oge, ngan saacan eta carita Si samba teh harita ku akang di Usir..
Patih Udawa: seun di Usir
Batara Kresna: tah nepi ayeuna can nempo Bulu-buluna acan..
Setiaki: ehm anu mawi kaula parantos milarian kaditu kadieu milarian ka dulur lapur, baraya teu aya...
Batara Kresna: ari sutija mah ayeuna Teh geus nerus keun jadi raja mitohana, nya jadi raja di nagara Trajutrisna dina gelar Prabu Nalaka Sura Boma... Tah anu jadi bingung kana kolbu anu jadi harengheng kana hate ieu nu jadi anak, si samba dugi ka danget ieu teh can panggih deui di teangan ka kulon los, ka kidul lapur, ka kaler weleh, ka kulon teu aya...

"Nuju dina salebeting Obrolan Ka bingung lajeng Datang Raden Gatotkaca Ti Amarta"...

Gatotkaca: Sampurasun wa...
Batara Kresna: ee,,ee,, itu saha aya di luar...
Setiaki: weh Geuning aya Pun anak Gatotkaca...
Batara Kresna: Gatotkacw, Rampes... Mangga Ka lebet cu...
Setiaki: kalebet lo...
Gatotkaca: Sembah Sungkem ka hunjuk panjenengan wa...
Batara Kresna: Di tampi nuhun cu,
Gatotkaca: teu kantun ka uwa Patih sareng Paman Arya...
Patih Udawa: Nuhun bageur...
Setiaki: Nuhun lo nuhun... Kumaha damang Pinisepuh di amarta...
Gatotkaca: Kaleresan aya hibar Paman,,,
Batara Kresna: aya naon Kasep...
Gatotkaca: Pangapunten wa sateu acanna, kaula mios ti Amarta teh ieu bade ngadugi keun Pancen anu di pundut ku salira uwa sasih kamari, Perkawis milarian Kakang Samba...
Batara kresna: tah,,, kumaha cu...
Setiaki: sok lo laporanna...
Patih Udawa: sok kasep...
Gatotkaca: Kieu wa, Pancen ti uwa sasih kamari nyuhun keun bantosan pikeun milarian kakang samba, Nya kaula teh Ngontek bantosan ka kakang Jaka Tawang sareng Kakang Anterja, Ngerah keun Pasukan Garuda Ngapak, Singara Denok sareng Sijala Tuna nanging Hasilna Nihil wa...
Batara Kresna: ehm... Nihil
Gatotkaca: nihil wa, nanging Mangkukna Kaula Ka sumpingan Kakang Anterja ti Lapisan Bumi ka Opat...
Batara: tah tah tah...
Setiaki: cik lo,,, boa boa boa...
Gatotkaca: kakang Anterja teh Mendak Layon wa, nanging eta layonna teh Di pergasa nyaeta Di aniaya dugi ka di cacag korban Mutilasi, Mastakana, panangan sareng sampeanna...
Batara Kresna: ehm ari kitu...
Gatotkaca: Ieu mah parantos kieu kajadianna uwa,,, Di tinggal dina alat di sami keun sidik jari sareng sajabina, Yakin Ieu Layona Kakang Samba Purwaganda Kalayan nyangga keun Layonna ku kaula di bantun...
Batara kresna: aduuuhhhh...
Setiaki: waaahhhh...

Yawis Kena Dihin Pinasti mapag Kersahyang Widi,,, Tumungku.....

Batara Kresna: aaaaahhhhhhhh,,, Samba.... (Batara kresna nangis balilihan)
Setiaki: samba,, waaaaaa.... Saha lo, saha nu nandasana...
Gatotkaca: mangga antos wae paman...

"Saban-saban robah mangsa ganti
wanci ilang bulan kurunyung taun,
sok mineng kabandungan manusa
sanajan ngalamun salaput umur
kahayang patema-tema kareup
hanteu reureuh-reureuh, geuningan
nu bakal ka rasa jeung ka randapan
lintang ti takdir ilahi.

Sakabeh jalma bakal ngalaman dina ieu hirup di alam anu pinuh ku romantika ka hirupan.
Seuri, ceurik, sedih, musibah jeung
sajabana.

Paingan Agama mere beja aya kecap SABAR.
Sabar dina harti lain Ditampiling
kudu cicing, ditajong kudu
morongkol, digebug kudu
murungkut,

Sabar dina narima papasten boh
hade boh goreng. Supaya jalma
ngarti yen ieu teh dunya, yen bakal
aya kahirupan anu leuwih alus ti
batan kahirupan dunya nyaeta
Akherat.

Natrat katerangan ilahi, Maha
benar Allah swt sareng Firmanna..."

Ieu Prabu Batara Kresna Tina kasedih jadi nafsu anu ngagudur-gudur amarah teu kawadahan...

Batara Kresna: Gatotkaca saha mangkelukna nu nandasa samba, secara teu langsung ieu nantang ka uwa... SETIAKI..!
Setiaki: kaula paduka, Kaula nyayogi keun tanaga Sareng emutan pikeun males pati, hutang pati di bayar pati, hutang wirang di bayar wirang...
Batara Kresna: kaula bakal make hukum anu sa'adil-adilna...
Patih Udawa: kaula oge nyayogi keun tanaga sareng emutan...
Gatotkaca: dina laporan kakang anterja ieu layon teh di kubur di hiji leuweung wa kalayan di jaga'an ku para Denawa, ari eta leuweung teh ka lebet ka nagara Trajutrisna sareng kakang Anterja newak salah sahiji patugas di eta leuweng di introgasi.
Batara Kresna: naon alesanna di tandasa ..
Gatotkaca: Dina eta carita patugas nu ngjaga leuweng teh, Kakang samba sumping nepangan Kakang Sutija anu tos janten Raja di Trajutrisna, ari kakang samba pendak sareng bojona kakang Sutija anu geulis kawanti wanti,,
Nya kakang samba teh menta bojo kakang sutija menta secara paksa, dugi ka patutunggalan nanging nya kitu tea wa, tos kieu kajantennanna...
Batara Kresna: ehm nuhun kasep sareng uwa ngahatur keun rebu nuhun kana sadayana bantosan ti hidep, anterja, jaka tawang sareng pini sepuh amarta...
Kieu kasep sakantenan urang kepung eta nagara Trajutrisna nanging sateuacan urang serang, Wayahna Ngirim keun utusan ka trajutrisna Apakah si Sutija rek narima kana kasalahan atawa arek kumaha, bisi nantang perang, uwa bakal ngirim pasukan...
Gatotkaca: mangga uwa, di esto keun...
Setiaki: wayahna nu bageur emang oge bakal ngajugjug trajutrisna...
Patih Udawa: kaula oge siap...
Batara Kresna: wayahna gatotkaca ulah di isuk pageto keun...
Gatotkaca: mangga uwa, putra gatotkaca pamit...
Batara Kresna: bral...
Setiaki: nhun lo...
Patih Udawa: nuhun anaking...

Bersambung....