★Bambang Yudha Angkasa

Bagian 2
 
Raden Arya Setha, Werat Sangka di sarengan ku Astrajingga Dawala ka iring Waladia Balad tamtama nuju ngareureuh keun Cape ngajugjug alas Kamiaka bade besuk Pandawa...

Astrajingga dawala anu sasatna nuju ngareureuh keun cape,
Saprattanepun aya Buta anu nyaketan kalayan talete eta 3 kareta teh aya barang naon wae...
Buta: Wey itu dina kareta aya naon wae?
Cepot: eta teh Sembako, obat-obatan, jeung rupi-rupi daharan keur pandawa ti nagara wirata nu rek besuk...
Dawala: eta teh keur besuk sun, da kuring mah kur nganteur wungkul, da itu anu boga vokal namah...
Buta: (nyanyi) nah,, enggeus panggih,,, enggeus panggih,,, enggeus panggih,,, jeung nu rek besuk,,, enggeus panggih,,, nu rek besuk,, werrr,,, werrrrr... ha,, ha,,,
Dawala: tah eta teh lagu kebangsa'anna, lain kawas nu atoh nya a, panggih jeung urang teh?
Cepot: heueh,,,, cing waspada euy,,,
Buta: ari maneh saha?
Cepot: ngaran kuring teh Tata..!
Buta: Tata naon? Aya panjangna keneh eta ngaran,
Cepot: Tata Titi,,,
Buta: oh Tata Titi,, ari nu tukang?
Dawala: ngaran Kuring mah, "Tindak Tanduk"...
Buta: Ti mana Tata Titi Tindak Tanduk teh?
Dawala: ti Duduga Peryoga,hehe...
Buta: aya dunungan maneh?
Cepot: aya,,,
Buta: cik haokan ka dieu..
Cepot: agan,,, kadieu,,
Werat Sangka: Naon pot...

Datanera tangademam,,, Datanera tangademam,,, ewuh pagulingan rana,, hee,,, aaaeeeee...

Buta: Waduh, ieu mah meuni ginding, sarareungit, kasep, teu kawas si Tata titi Tindak tanduk,,, bau ketos, make jeung di iket, solendang sarung ka leuweng da tey pantes, mun rek nyalung pantes...
Cepot: kmh aing weh blog...
Buta: ngaranna saha?
Werat Sangka: Kaula Werat Sangka ti nagara Wirata...
Buta: kabeneran euy Werat Sangka,,, pasrah keun eta 3 kareta syukur heunteu di pasrah keun dina harti paragat nyawa.
Werat Sangka: maksud na naon?
Buta: wah,, pokokna pasrah keun buru siah... ku aink di beja keun ka dunungan aink... gusti,,, leres ieu teh nu bade besuk...
Raja Denawa: Ha,,, ha,,,ha,, aet,, Wong Bagus... wayahna pasrah keun eta 3 kareta...
Werat Sangka: moal bisa,, eta hak pandawa...
Raja Denawa: wani maneh ka kaula? Naha tega lara, tega pati?
Werat Sangka: tega,,,
Raja Denawa: wayoh,,, wayahna beja'an balad-balad...
Buta: siap gusti,,, keun itu nu di iket mah jeung abdi gelutna, rek di bawa gelut dina leutak..
Werat Sangka: Beja'an pot kakang Setha, aya hadangan kituh...
Cepot: mangga,,, wios anu breuwes nu di tukang mah jeung abdi gelutna, rek di ajak gelut dina Cubluk,,, di Spiteng...
Buta: kmh goblog da spiteng mah leutik,,,
Cepot: maneh heula asup tiheula dagoan uwing sakeudeung,,, uwing rek ki'ih heula...
Buta: sarua weh jeung nitah ngahakan waduk ka aink,,,
Cepot: nya atuh abdi bade ngawartosan, juragan Setha,,,
Upami kasered ku itu buta sambat weh abdi gan...
Werat Sangka: kmh nyambatna?
Cepot: Uinkk W Lah ,Uinkk W Lah , Uinkk W Lah ... eta anu sok getol promo keun ieu Fp... nuhun ah kang...
Dawala: ati-ati agan ah,,,
Werat Sangka: yah doa'na wae dawala...
Raja Denawa: sok geura singkil...
Werat Sangka: maju...

Raden Arya Setha, Raden Werat Sangka sareng para Pasukkan di kepung di tingker ku para Denawa anu sakitu seuerna, da puguh di ieu leuweng teh kandangna Para denawa,,, Lami-lami Para Pasukkan Raden Arya setha ka sered, dugi budal ka tawuran sapertos pindang meunang maluluh...
Raden Arya Setha & Raden Werat Sangka ka tewak ku para Denawa lajeng di tali'an dina Tangkal sangkan Raden Werat Sangka sareng Raden Arya Setha teu tiasa nanaon, atuh 3 kareta teh kengeng ku para denawa, anu akhirna para denawa pesta hasil ngabegal teh.
Dupi Cepot sareng dawala mabur lulumpatan jalan walungan bade laporan ka Raden Gatotkaca sareng Semar Badranaya...

Tunda Lampah eta ka carios Raden Gatotkaca Lugay dina tapana, ngahaturannan linggih Semar Badranaya,,,
Gatotkaca: uwa,,, uwa,,, kadieu...
Semar: saha,, geuning juragan lugay tina tapana...
Gatotkaca: kadieu wa aya hal-hal anu bade di harewos keun...

Raden Gatotkaca Halumampah Ngeplek Soder Merak Ngibing Sosoderan Tindak Gending Nganepun Macan-macanan Aladria...

Sinden: "Sinjang kirut sajati ning wayang menjat,,, menjat,,, halumampah "sinjang kirut"...
gandruuung... Gatotkaca pringgandani putrana Dewi Arimbi.. yu batur urang ngahiji ngabela'an lemah cai" (poho deui kadituna,hehe)...

Gatotkaca: wa kadieu wa...
semar: aeuhhhh,,, ya anak aya anak... tos aya hasilna nun tatapa teh?
Gatotkaca: Calik heula wa, aya hal-hal nu baris di padung deng keun...
Semar: mangga,, mangga...
(Kliningan heula baraya, ki dalang Ngeunyot Kopi susu heula)

Ku nira hangandika...
Gatotkaca: wa, wa kadieu wa Semar Badranaya....
Semar: aduh aya anak nun, ambuing, rupina parantos aya ilapat nun, hasil tatapa hasil puasa nyaeta milarian jalan kaluarna supados tuang rama nu aya di hukuman sangkan salamet teu aya gangguan itu sinareng ieu... kumaha hasilna nun?
Gatotkaca: dina sajeroning tatapana teu dahar nginum, meredih tina asihna gusti menta murahna tinu maha kawasa mundut ridho nu kagungan sabab yakin begal-begal teh lain ngandung harti ngabegal tapi yakin aya parentah ti nagara Astina...
Sedeng keun bau-bau politik kieu teh ka ambeu ku kaula... mun rek ngalaku keun tindakkan dina harti ieu Pandawa di tambihan hukumanna Malah Amarta moal di bikeun deui ka Pandawa lamun putra-putra pandawa ngayakeun tindakkan wa, ieu teh mancing maung di jero guha supaya kaula ngayakeun tindakkan, di mana kaula ngaya keun tindakkan dina harti Amarta moal di bikeun deui..
Tulungan wa, Ceuk dina Ilapat kaula teh ngadenge sora teuing ti hareup teuing ti tukang...
Pajar keun teh tanya keun weh anu osok babarengan jeung anjeun nu keur nungguan anjeun sabab eta lain jelema Samanea, eta jelema teh keur Nyumput buni dinu caang negrak bari teu ka tembong...
Cicing dina pasir kamiskinan aya dina Sagara ka Sangsara'an padahal mah eta teh jelema pang beungharna, pangsenangna cenah eta jelema teh geus muka safah..
Tah ieu wa kaula jadi catetan dina ati, ari muka safah teh naon?
Semar: ke,, ke,, ka saha eta teh di tujukeunna?
Gatotkaca: Ka uwa, saha deui batur kaula didieu lintang ti sampean... pikir ku uwa, tong sok api-api wa,, anjeun teh batok bulu eusi madu..
Semar: ha,, ha,, nya rupina kitu carana, rupina parantos waktosna da geuning urang di mana melak sampeu di pelak keun ayeuna di cabut ayeuna moal beutian, hartina kedah nunggu waktu, nya rupina parantos kieu mah parantos waktosna mangga teh teuing...
Syarat pandawa kitu putra-putra pandawa teu kenging ngaya keun tindakkan, tah didieu urang teh kedah mikir kudu kumaha jalan kaluarna, mun teu mikir hawa nafsu nu marengan...
Gatotkaca: da mun nutur keun hawa nafsu mah poe ayeuna oge nagara Astina bakal Ancur ku kakuatan Panca Braja, Ancur puseur dayeuh Kota Astina..
semar: tah eta teh nafsu,, ari nafsu teh nu matak kaduhung, badan anu ka tempuhan...
Gatotkaca: kedah kumaha atuh wa,,,
Semar: jadi ayeuna kedah make kedok nyumput buni dinu caang negrak bari teu ka tembong...
Gatotkaca: nyumput buni dinu caang negrak bari teu ka tembong... kumaha wa?
Semar: kedah gentos wujud... ulah ningali keun salira gatotkaca tapi kedah nyamuni...
Gatotkaca: kumaha wa?
Semar: kedah gentos Dzat sifat asma,, dzat wujud, sifat rupa, asma ngaran...
Gatotkaca: carana nyangga keun weh ka uwa...
Semar: mangga tapi syaratna kedah bersih manah, mulih deui ka kosongan jiwa, bersih hate pang bagja-bagja na jalma hirup di alam dunya nu geus parantos bisa ngabersih keun hatena....
Gatotkaca: geuning aki-aki teh pinter dina sagala rupana, nyangga keun ka uwa nu parantos legok tapak genteng kadek,, ngiringan wa..
semar: mangga, peureum keun soca,meredih ka asihna gusti menta ka murahna nu maha kawasa..
Ka para robbunna, ka para malaikat, ghaib-ghaib rijarul gahib, para rossulna yakin malaikat bakal ngabesat sakilat ngadugikeun rupi pamerdih urang, ukuranna...
sapoe ukuran ghaib ngabelesatna deudeuheusna ka pangeran, 5000 taun ukuran jelema, urang cindek keun hartosna sakeudet netra nyaeta Tung Teng, tung ka ditu teng balik deui kadieu.. jelas..
Gatotkaca: mangga ngiringan wae wa..
Semar: sok kosong keun jiwa eta gelombang sami keun,,, sami keun frekuensina...

"Lajeng Semar Nyaur keun Rupi-rupi tarekah sareng ngawatek elmu panemu jampe pamake, Saciduhing metu sakecaping nyata weruh sadrung winara anu akhirna Raden Gatotkaca gentos wujud janten jajaka anu kasep ngarempereng koneng"

Nurcahya Sesekar Ningwang,,, Nurcahya Sesekar Ningwang,,,
Cahaya gilang gumilang,, eeeeeeaaaeee...

Semar: agan,,
Gatotkaca: ee,,ee,,, uwa naha hararampang kieu ieu awak kaula, ieu sora jadi leutik...
Semar: kedah kitu nun,,,
Gatotkaca: tah ayeuna wujud parantos gentos,,, tinggal ngaran wa... saha kinten-kintena pingara neun kaula wa,,,
Semar: ninggal dina dedegan kieu mah pantesna tina Bambang...
Gatotkaca: Bambang? Naon wa,,,
Semar: Bambang Yudha Angkasa..
Gatotkaca: Bambang Yudha Angkasa..!

Bersambung