Prabu Wira Manik

★Prabu Wira Manik★
Pamungkas Carita
Cover: Yudistira

Bima: eyang keun ku aink anu arek newak eta mangkeluk..
Bisma: entong bima, eyang geus janji, eyang can eleh,, ayeuna eyang rek ngaluar keun hiji panah jadi ratusan panah...
rasakan Wira sakti, Hutang pati di bayar pati hutang wirang di bayar wirang...
#Syuuuuttttt..!!! "Panah kaluar tina gondewa"...

"Ratusan panah nuju ka bambang Wira Manik sareng Wira Kusuma"

Wira Kusuma: waduh siah,,, kumaha itu panah nuju ka dieu kang?
Wira Sakti: tadi saur kanjeng rama sagala rupa hal pamerdih urang bakal di ijabah,,,
He panah kabeh anu kadieu, balik deui ka ditu, balik kanan Graaakk..!

"Panah sadayana janten ngarah ka Para kurawa pandawa sareng waladia balad tamtama,,,"

Dorna: Kurawa pandawa para waladia balad tamtama kabur-kabur awas itu panah nuju ka dieu...

"Resi Bisma mah kacandak ku tarikna panah bakal ragrag di puseur dayeuh nagara astina,Para kurawa sareng para pasukkan kabur ngacir ninggal panah anu sakitu sara reukeutna, nanging kanggo Pandawa mah sudi mati suka perlaya tibatan ngejat ti pakalangan, anu akhirna Bima, Arjuna, Nakula sareng Sadewa ka panggang ku panah dugi ka masing pati tumakaning perlaya, Yudistira ngahuleng ngaragameneng olohok ngembang kadu ninggal 4 dulurna ngagoloh gor tikorona kaluar getih ku panah.."

Yudistira: Bima Arjuna Nakula Sadewa anjeun geus nyebor ibu pertiwi, akang oge moal cicingeun,...
Wira Manik: Eh eh...
Wira Sakti: ama,,, itu kaula kaleupasan, pandawa anu 4 perlaya,,,,
Wira Manik: keun keun...
Yudistira: Anjeun Prabu Wira Manik?
Wira Manik: nya,,,
Yudiatira: anjeun nanaonan nyieun nagara di jero nagara, kaula sudi mati suka perlaya tibatan ngejat ti pakalangan, bisi anjeun arek nyokot jalur hukum hayu, ku kaula bakal ngondang dewa ti sawarga pikeun jadi hakim, bisi anjeun arek make jalur perang, dor ku kaula di ladenan...
Wira Manik: naha anjeun teu sieun paeh kawas dulur-dulur anjeun?
Yudistira: anu ngaram paeh mah, kabeh manusa bakal ngalaman,,,,

"Prabu Wira Manik eleh ku kabersihan hatena Yudistira, margi Yudistira hiji satria pininggit budak angon, anu bisa ngangon hawa nafsuna bisa ngangon dirina, anu tetep cicing dina jalan ka imanan ka taqwa'an,
Lajeng Prabu Wira Manik nanya, saha anu paling di pika nya'ah ku Yudistira,,,
Yudistira ngajawab anu paling di pikanya'ah ku manehna Nyaeta Arjuna margi arjuna dulur sa indung sa bapak anu apet tileuleutik ka yudistira.
Prabu Wira Manik mere hadiah ka Yudistira, dulur anu opat bakal di cageur keun hiji, nya Yudistira milih nakula atawa sadewa anu kedah di cageur keun margi supados adil, margi anu hirup anak ti indung dewi kunti mung Yudistira wungkul tah Anak ti indung dewi madrim oge kudu aya anu hirup hiji, nya'ah lain adil,,, adil lain nya'ah...
Prabu Wira Manik ngajelas keun politik nu aya di nagara Astina yen anu bakal jadi raja teh Suyudana margi pandawa tos eleh ku politik, eleh ku harta banda jeung pangalaman, di singkir-singkir ku kurawa sangkan pandawa nyingkah... ti awal anu di calon keun jadi raja Nagara Astina teh nyaeta Yudistira margi adat di karaja'an astina mah, upami raja lungsur janten begawan nya anak panggeudena teh calon raja ngan harita Yudistira masih leutik keneh keur meujeuhna Bilatung Dulang.
Nya kanggo ngantosan pandawa geude eta kalungguhan raja di jabat ku Dastarata lanceuk pandu, Pandawa ngageudean kurawa oge ngageudean, tidinnya Politk-politk ti Sangkuni Asup pikeun ngojok-ngojok sangkan Suyudana jadi Raja...
Yudistira di pancing ku omongan kitu anjeunna teu ambek, malah anjeunna ngajawab bakal ngarojong ka Suyudana upama suyudana jadi raja, moal ngerebut margi eta lain udagan Yudistira, Pangarti anu jadi ciri kagagahan anu rongkah ka pangkatan anu di piwegah kabeh helas moal aya paedahna tanpa di barengan ku ka imanan sareng ka taqwa'an ka gusti nu maha suci.
Prabu Wira Manik akhirna mutus keun mere hadiah layang jamus kalimus sada ka Yudistira, Kalayan Prabu Wira Manik nuduh keun beulah kidul di tempat ieu aya Leuweng amer, tah didinnya aya hadiah kanggo Pandawa engke upama tos waktosna dina lakon "Babad alas Amer"... Yudistira bakal jadi raja engke di akhir...

Bima Arjuna Nakula Sadewa cageur deui sareng nyaksi di pasih keunna eta Eta Layang Jamus Ka Yudistira,
Nanging eta Layang Jamus Tong di pi Gusti tapi kedah di Pupusti, kedah di pigawe naon eta darma anu ka hiji, kadua, katilu ,opat dugi ka lima...
Anu akhirna Prabu Wira Manik Muka kedokna nyaeta janten Semar Badranaya

Semar: hoyaaahh,,,, ha ha ha.
Cepot: Edan siah si tukang tipu bedewi,,, ahh aink mah di bobodo deui wae euy...
Bima: eh si semar duduwong samanea geuning...
Cepot: tah kitu geuning euy alhamdullilah salamet kabeh,,,
Sakali salamet tetep salamet , sakali merdeka tetep merdeka...
Hapunten tina sagala kalepatan...
  

Sumber :  http://www.facebook.com/photo.php?fbid=425044887554648&set=a.268729466519525.64833.266464696746002&type=3&theater