GatotKaca Kembar Part 3

 ★GatotKaca Kembar★

 Part 3


Ka carios Gatotkaca tos dugi di puseur dayeuh astina lajeng lumungsur, ieu para denawa jungjleng laluncatan tina panyumputanna ngarempug gatotkaca tapi sadaya para denawa teu aya anu kuat, Kala Braja ningali aya jalma anu amuk- amuk kan dugi pasukkan denawa teu aya anu nyesa, lajeng nyampeur keun gatotkaca...
 
Kala braja: Heeeyyyy,,, saha sampean???
Gatotkaca: mana anu ngaran Kala braja?
kala braja: Aiiink,,, arek naon,,,
Gatotkaca: kaula rek modaran sampean,,,
kala braja: saha maneh???
Gatotkaca: kaula Gatotkaca,
Kala braja: gatotkaca,,,
Gatotkaca: Badalungan...
kala braja: badalungan..
Gatotkaca: Purabaya,, Bayu Putu, Krincing wesi, Kancing jaya, Arimbi suta, Bima putra, Surya Pringga, Jabang Tutuka..!
di Mana ayeuna kanjeng rama bima?
Kala braja: haa ha ha,, sia teh anak na? Montong sombong siah bpk sia geus jadi arca...
ayeuna aink rek nanya raga ka tineng mnh,,, Tega lara?
Gatotkaca: Tega..
Kala braja: tega pati?
Gatotkaca: Tega,
kala braja: Maju...

Ieu tarungna Gatotkaca sareng Kala Braja Lir munding rarakitan kuda papasangan sama- sama kuatna sareng gagahna,
Kala braja lajeng ngaluar keun teunggeulan andelanna, "rasa keun gatotkaca,, ciiiaaaatttt" gatotkaca rarayna di gebug tapi ieu teunggeulan teu ngaruh, gatotkaca mikeun tonggongna " sok bisi panasaran teangan daging anu ipis, tulang anu hipu",,, JEUBEEET,,, gatotkaca di gebug beuheungna tapi gatotkaca kuat nandingan kala braja,,,
kala braja: Hebat mnh ca,,, bpkna modar anakna kuat,,,
gatotkaca: Euhhhhmmmmm,,,
rasa keun yeuh,...

Penasti kerSahyang demam para,,,
"Kala braja di banting mastakana ku gatotkaca leungit tanpa dibihlang tanpa krana jangelek janten hiji kitab"...
Gatotkaca: Weeetttttttttt,,,,
"daaaarrrrr"
Rakyat- rakyat Astina anu nyaksian ieu kajadian surak hambal-hambalan euyah2han,,,
"hiduuup Gatotkaca" hiduup,,,
"hiduuup Gatotkaca" hiduup,,,

Cepot: anyir geuning loba jelema ayeuna mah,,,,
Dawala: heueh td mah keur nyarumput,,,
cepot: aya wartawan sagala onyong,,,
Gatotkaca: pot dawala,,,
Cepot: agan,, ehmm hebat agan,,
Dawala: mana gan musuhna?
Gatotkaca: ieu dawala jadi Kitab,,,
Cepot: aluhhh, jd kitab geuning onyong,,,
Dawala: heueh nya a,,,
Gatotkaca: Pot, ka dieu leungeun mnh...
Cepot: ieu gan,
Gatotkaca: Sok perup keun,
cepot: da titadi na oge tos peurep panangan abdi mah gan,,
Gatotkaca: Heueh geus tong heureuy wae,,, tp omat siah ieu tong di pake heureuy,,,
Cepot: engke di kmh keun gan?
Gatotkaca: engke usap keun ka kanjeng rama bima, pasti bisa cageur deui,,,
"Lajeng gatotkaca ngajampe pananganna astrajingga"
cepot: atos agan,,,
Gatotkaca: geus jig buru- buru usap keun,,
Cepot: ayeuna agan bade ka mana?
Gatotkaca: ayeuna kaula rek ka Nagara Pringgandani rel ngubaran Gatotkaca,,, (gatotkaca lngsng ngambah jomantara ngajugjug nagara pringgandani)
Cepot: kmh ieu teh nyong??? Dwek teh teu ngarti,,
dawala: teu ngarti kmh kitu,,
Cepot: eta cenah bieu ceuk dunungan, 'ayeuna kaula rek ka pringgandani rek ngubaran gatotkaca' apan gatotkaca teh mnhna nya?
dawala: heueh dih nya,,, bae lah nu pntng mah ayeuna urg ubaran dunungan bima,,
Cepot: heueh hayu,,,

Cepot jeung dawala lajeng ngubaran bima anu jadi arca, leres bae eta bima saentosna di usap ku cepot langsung damang deui, cepot jeung dawala nyarita keun kabeh kajadian ti tektek dugi ka bengek ka bima, bima oge janten bingung saha eta sabenerna gatotkaca teh, bima di sarengan cepot dawala langsung ngajugjug Nagara Pringgandani hoyong terang saha eta jalma nu sabenerna...
Ka Carios ieu gatotkaca tos dugi nagara pringgandani, gatotkaca anu asli nuju di mong mong ku ibu na Arimbi di sarengan ku rayina Purbakesa.
Purbakesa: wweeeeerrrr,,,
Alo geura damang ath lo, emang ngarasa keueung mun euweh alo...
Arimbi: Purbakesa, kmh urg ngubaranna deui, lamun tea mah nu jadi anak nepi ka masing pati tumakaning perlaya aceuk mah rek ngilu halabu tumbangan wae sabab moal kuat nandangan nyeri hatena di tinggal keun maot kunu jadi anak,,, (bari ceurik cireumbay)
purbakesa: ahh tong kitu ceuk,,,
"Barang saweg nuju dina ka prihatinan datang gatotkaca"
Gatotkaca: sampurasun,,,
Arimbi: purbakesa saha eta???
purbakesa: rampes,,, sok mangga ka lebet,,,
(Barang arimbi sareng purbakesa ninggal yen anu sumping teh gatotkaca, langsung reuwas kaget)
Purbakesa: ALO... ieu teh alo,,
Gatotkaca: Leres paman,,,
Purbakesa: tubaaat,,,,,, gusti kaula menta pitulung aya kajadian naon ieu,,, reuwas asa arek murag jajantung...
Arimbi: tobat,,, pangnanya keun purbakesa saha eta nu sabenerna, aceuk jadi bingung mana anak aceuk anu asli,,,

Lajeng gatotkaca nyarita keun maksadna bade ngalandongan gatotkaca anu asli, tapi gatotkaca tumaros heula ka arimbi apakah uninga ka kitab nu di candak ku gatotkaca,,,
Arimbi nyarita keun Riwayat eta kitab teh nu kagungan ramana nyaeta "Begawan Kesarpa" gara2 gaduh eta kitab anak- anak na teh buta wungkul di antarana Arimba, Arimbi jeung sajabana, lajeng eta kitab teh di sosoek jadi lima, eta kitab nu tos di sosoek jadi lima teh menjelma jadi jalma lima'an, anu ngaran Braja Musti, Braja Wikalpa, Lambatan, Denta sareng Wisesa diaku wae anak jelema lima'an eta teh ku "Begawan Kesarpa".
Tah eta teh ajian 'Panca Braja' ajian Gatotkaca anu sok di sambat lamun gatotkaca nuju kenging karerepet gelut, anu kieu unggelna "Braja Musti Braja wikalpa Lambatan Denta wisesa sapta pangrungu bajingiring tapak nengala" ieu ajian teh ngencar tina ragana gatotkaca, margi ieu ajian teh embung di bawa sombong, embung di bawa adigung gede hulu jeung sajabana...

Lajeng ieu kitab lumebet deui kanu guha garbahna gatotkaca janten gatotkaca damang deui,,,
Kabingah jeung ka bagja arimbi sareng purbakesa teu bisa di gambar keun ku carita bisi sakumaha endahna basa lantaran gatotkaca damang deui,,,
Lajeng gatotkaca pamitan wangsul tapi arimbi hoyong terang saha ieu anu asli na tapi gatotkaca nolak nampak keun wujud aslina, gatotkaca ngabelesat wangsul tapi di udag ku gatotkaca asli anu akhirna gatotkaca asli sareng gatotkaca mamalihan pancakaki, gatotkaca asli hoyong terang saha ieu anu aslina, nya bakat ku di paksa gatotkaca mamalihan nampak keun wujud aslina tapi make hiji syarat tong di beja keun ka saha wae, sihoreng ieu teh "Ki Sabda Palon Semar Badranaya" , Gatotkaca di papatahan ku semar ngeunaan masalah hirup di dunya...

Tah mung sakitu anu ka pihatur baraya ieu lalampahan "Gatotkaca Kembar" teh, sae mah heunteu ngan ieu mah hatur lumayan kanggo ngabuburit, urang pungkas ku kembang tinetik sinebaran sari tutup lawang sigotaka..!
                                                TAMAT


Sumber : http://www.facebook.com/photo.php?fbid=436132523112551&set=a.268729466519525.64833.266464696746002&type=3&theater